到四十幾,五十歳...
我重可吾可以做DESIGN,打人工呢?
.....
前日同個以前做漫畫既同事食飯,
聽佢話以前其它同事,而家既生活...
同事1.以前職位:彩稿呀頭 現在職位:油站加油員
同事2.以前職位:勾頭 現在職位:岩岩比間設計ONLINE GAME炒左
同事3.以前職位:主編(KOF) 現在職位:係加拿大冇野做
同事4.以前職位:助理 現在職位:大厦管理員
同事4.以前職位:助理 現在職位:燒味師傅
同事4.以前職位:助理 現在職位:PART TIME入資料員
....唉
究竟香港做設計,創作....結局就係甘?
點解D鬼佬越老越值錢?
香港設計師...係咪等於以前既工廠妹?
後生靚女就比老細"食"
老左就冇得留低....
甘我到四,五十歳...可以做乜......?????
近日想,如而家攞左教學資格,至少老左可以教下D小學生....
下一個"發夢"目標：完成大學,再讀教院讀一年ed certificate
有用WEB西(KO SIR推介)香港理工大學
BA(Hons) art & design in education
7 則留言:
香港設計師... 除非真係好出名同自己做老闆!!唔係真係越老越霉!
design 都可算潮流既一種, 你現在20幾歲就可以睇好多最in最潮既野, 但年紀大係唔係不停要跟住潮流走?!?
你地男性起碼會好女性少少, 女性未夠40..多數都很難會再轉到工...!
所以.. 我一直都是擔心咁樣, 又未搵到老公.. 所以先死守現在做既位!!
你提出幾個同事都已經有咁多唔同既經歷~
唔代表四五歲可唔可做design呢個問題~
做彩稿,勾圖,主編,助理點解會輪落到油站加油員或其它工作...
都好睇佢當時佢覺得自己係咪高位時..有無繼續增值自己...行業轉型佢有無跟得上...見到自己薪高就不願冒險...
就要等到社會淘汰先識得驚~係太遲~
人地用緊photoshop cs2..你重用緊photoshop 4.0...你係用到..你係用到好熟..你仍然可以畫到好靚既畫...但你出到去無人接受你呢..出到去搵工..緊係搵唔到啦..出面已經用cs2勒..死未...
你攞住個photoshop 4.0...出去搵工..重可唔可以攞番舊公司既人工呀...食緊蕉啦...
人就係死係太安於現狀
每個行業都跟著時代轉變緊~
要跟得上...係好攰~
但要立足係必需~
所以我唔覺得幾多歲係一個問題~
問題係你有無與時並進..
唔走到最快最前..都跟住人地行呀..唔行都可以慢步呀...唔好停係到得唔得...我知企係到會好舒適~
其次有實力..都要睇你有無運氣~
that's all~
(雖然我現在慢左,我一定會追番上黎既)^^
讀cert ed...教小學生!!! d學生會唔會俾你教壞架!? 哈哈哈....
你都唔係好大啫! 咁快唸定四五十歲.....不過做人有目標總好過無目標嘅^^
我會覺得雖然雖然有一日我都可能要被迫轉行，但係鐘意design嘅心係唔會變嘅....果團火係唔會熄架....
我好似勾起各位兄弟姐妺D傷心事...
香港設計師...就係甘.
係自己最值錢既"日子"
就要去盡!
"唔係真係越老越霉!"
吾好話“霉”
係比“市場”,“"後面個班”,“年紀”淘汰.
女仕們都好D,可以嫁鬼左去!
但男仕們就PK囉!
好彩D就做個PDM過活,
吾好彩就要轉行...
轉行
做得乜??
“DESIGNER”呢個名係好聽,好型!
但換返黎..可能只係一張白紙
要重頭再寫過野,,,,
唔好諗O甘多，放假喇！去蘿蔔國cool down下，或者有個新景象....or 新女神...。
都係時候大家出去外面睇睇呢個世界~
遊學團..觀光團..見識見識~
唔好困著係呢個旦丸之地..
發佈留言