終於知咩叫真真正正既『醉』....

自問自己都叫好飲得,甘大個仔未曾試過醉到「斷片」,今次終於知咩叫真真正正既『醉』....

12月5日係家姐結婚, 12月5日係跑馬地「上頭」上到2:00AM,我返到將軍澳屋企上埋床都3:00AM,但一早6:00我又要由將軍澳入返跑馬地接新娘出門....計埋我瞓左2個鐘...><"

玩新郎玩到甘...比我即刻調頭開門走! 哈哈~

OK~ 順順利利出門...一對新人去男家,我地就去飲茶等夠鐘去大會堂(超級大鄉理...而家重邊有人去大會堂簽紙架><"...我問過佢地...新郎話去大會堂簽紙係佢童年夢想...比佢吹到BABA聲..)

簽完我地啦啦聲去裝身~再飛去酒樓,準備場地!

3:30PM去到酒樓,我安排個D婚禮場地巳搞得7788~ 但因為我職業病上身,所以要左改右改~最後我都嘗算滿意~~

6:00左右 D人客開始到,我地女家都成十圍,要招乎成百人...真係有D吃力><”

開席.....老實講..我都吾知有乜食??
因為我食左頭三味就比人叫左出去招乎人飲酒...
我就双手攞住2支VSOP開始枱枱掃...

你攞得2支勁野黎,D人又點會比你安然離開ㄚ...

每枱我都要飲1-2杯冇溝冰,冇溝水既VSOP....有D就紅酒....

招乎完一枱就一定要招乎第二枱....最後我由最尾個枱玩到第一枱...

我保首估計我自己係"空肚"至少飲左2支幾VSOP加吾知幾多支紅酒...

我自己個刻巳去到忘我境界!完全都吾知其他人做緊乜...個腦只有盡力KO所有人!

同我飲個D人,最後個個都醉,我係臨走一刻都完全冇電....

『跳掣』

完全不醒人仕...第二日6:00AM先有知覺,先知道我去左我家姐屋企......

但琴晚尾段發生乜事,我一D都吾記得......

後記: 其中一個比我KO左後走左去坐的士, 落車醉到傻左罵的士佬屈車錢...的士佬知佢醉到傻就車佢去差館,去到差條友醉到打差佬,比人鎖左佢48小時...岩岩先放出黎咋...

我真係有D吾好意思...